Category Archives: កំណាព្យ

ថ្ងៃសៅរ៍ និង ថ្ងៃអាទិត្យ

១. សៅរ៍នេះសំណាងសែនស្រណុក        សៅរ៍នេះអត់ទុក្ខសុខសប្បាយ សៅរ៍នេះនៅផ្ទះមិនខ្វល់ខ្វាយ  សៅរ៍សែនសប្បាយនៅម្នាក់ឯង ។ ២. សៅរ៍នេះមិនខ្វល់អត់អីញ៉ាំ       សៅរ៍នេះសៅរ៍ចាំសៅរ៍កំប្លែង នំបុ័ងប៉ាត់តេលក់ផ្លូវកែង          សៅរ៍នៅម្នាក់ឯងក្រែងអផ្សុក ។ ៣. សៅរ៍នេះសៅរ៍គិតនឹងធ្វើអី      សៅរ៍នេះរាត្រីមាន Facebook សៅរ៍តែងកំណាព្យកាព្យទំនុក  គ្រាន់កែអផ្សុកទុកចំណាំ ។ ១.        សុក្រសៅរ៍រសាត់អាទិត្យដល់   អាទិត្យសែនឆ្ងល់ខ្វល់ដល់ច័ន្ទ             អង្គារ៍ ពុធ​ គិតរឹតប្រច័ណ្ឌ          ព្រហស្បត្តិ៍ប្រកាន់ប្រកែកថា ។ ២.        អាទិត្យឈប់គិតហើយកុំខ្វល់   បើច័ន្ទមកដល់ សាកចរចា             អង្គារ៍នឹងជួយយកអាសា          ពុធក៏មេត្តា ត្រាប្រណី ។ ៣.        ព្រហស្បត្តិ៍ថាពិតអាទិត្យមួយ   សូមអ្នកឈប់ព្រួយកុំខ្វល់អី … បន្ត​ការ​អាន

បានផ្សាយ​ក្នុង កំណាព្យ | 1 មតិ

កណ្តាល​ សៀមរាប

កណ្តាល សៀមរាប នៃសុម៉ូនិច រតនា តែងដោយ រតនា ១.ចាប់យកប៉ាកកាសម័យថ្មី                ក្រដាសលកលៃលើកញ្ចក់ ប៉ាកកាដែលគ្មានទឹកបន្តក់                  អក្សរដង្ហក់រត់រកគ្នា ។ ២.ចាប់តែងពង្រាងនូវកំណាព្យ      និស្ស័យស្នេហ៍កាព្យមិនរេរា លើរថយន្តក្រុងក្នុងវេលា                  ព្រលឹមទិវាត្រឡប់ក្រុង ។ ៣.រថយន្តចាប់ចេញចាកចំណត   សៀមរាបផ្តិតថតដោយចិត្តស្លុង នឹកដល់កណ្តាលតាខ្មៅក្រុង            ទាំងប្រយ័ត្នប្រុងតាមបណ្តាំ ។ ៤.ឆ្លងកាត់បុរីរដ្ឋបាលក្រុង               សៀមរាបផូរផង់ក្នុងចិត្តចាំ នីតិរដ្ឋបាលកត់ចំណាំ                      សិក្សាអោយមាំសឹមត្រឡប់ ។ ៥.ឆ្លងកាត់វាលស្រែកំពង់ធំ              វាលបៃតងផ្តុំយ៉ាងស្ងាត់ស្ងប់ អាទិត្យរស្មីចាំងចែងសព្វ                  រនោចមិនចប់នាហេមន្ត​ ។ ៦.ថ្ងៃត្រង់ចាំងចោតលើដងផ្លូវ         ដំណើរឆ្ពោះទៅនៃរថយន្ត ក្នុងចិត្តរលឹកនឹកពេកពន់                 តាខ្មៅទីក្រុងលង់សម្រស់ ។ ៧.ភ្នំពេញតាខ្មៅជិតបង្កើយ             សៀមរាបឯត្រើយគួរស្រណោះ ហេតុតែស្រឡាញ់ដោយចិត្តស្មោះ ដាច់ឆ្ងាយជាងកោះក៏គង់ជួប … បន្ត​ការ​អាន

បានផ្សាយ​ក្នុង កម្សាន្ត, កំណាព្យ | បញ្ចេញ​មតិ​មួយ

ឃ្លាន

Bandith ១. នេះនឹងថ្លាថ្លែង សំដៅសម្ដែង ថ្លែងជូនសណ្ដាប់ បើទោះម៉ោងរៀន ពោះឃ្លានស្ទើរស្លាប់ ជូនជាសណ្ដាប់ ម៉ាដាមសណ្ដោស ។ ២. នេះដោយហេតុឃ្លាន នាំឱ្យបំពាន កើតមានជាទោស តែទោះយ៉ាងណា សូមមេត្តាប្រោស កុំស្ដីបន្ទោស ព្រោះឃ្លានធ្វើទុក្ខ ។ ៣. នេះដោយហេតុឃ្លាន ទើបនាំឱ្យរៀន អង្គុយមិនសុខ ដល់ម៉ោងបាយថ្ងៃ ផ្ដើមទន្ទ្រានរុក ឃ្លានផ្ដើមសម្រុក បែកអស់កម្មដ្ឋាន ។ ៤. នេះដោយហេតុឃ្លាន ទោះតាំងចិត្តរៀន ក៏វាមិនក្សាន្ត តែបើបានបាយ សប្បាយមិនខាន តែនៅមិនបាន ត្រូវចាំចប់ម៉ោង ។ រតនា Fly Emerald … បន្ត​ការ​អាន

បានផ្សាយ​ក្នុង កម្សាន្ត, កំណាព្យ | បញ្ចេញ​មតិ​មួយ

ហេតុតែស្រលាញ់កំណាព្យខ្មែរ

Somonich Panha ហេតុតែស្រលាញ់កំណាព្យខ្មែរ ត្បិតឃ្លាតយូរខែតែនៅគិត កាព្យឃ្លោងណែងណងពិរោះពិត ឆ្ងាយកាយកៀកចិត្តព្រោះនិស្ស័យ ។ ជ្រើសយកមាគ៌ាប្រាសបំណង ផ្គាប់អ្នកម្តាយប៉ងលះជាបច្ច័យ សេដ្ឋសាស្រ្តប្រត្យក្សត្រឹមក្រឡៃ នីតិថ្លាថ្លៃទុកជាសំណព្វ ។ ត្រីល្បះហាក់ខ្លីសំរាប់ចប់ សំរាយសាយសព្វរឿងទុក្ខា អ្នកអានតិចណាស់អាចយល់កថា ថាក្នុងចិន្តាសំដែងពីអ្វី ។ Fly Ratana សូមចូលជ្រៀតខ្លួនមិនពួនស្តាប់ ពីចិត្តអ្នកប្រាប់នូវសេចក្តី ដឹងថាអ្នកចង់និយាយអ្វី ទើបខំឃ្មាតខ្មីស្រដីតប ។ ទោះរៀនសេដ្ឋកិច្ចបំភ្លេចច្បាប់ មិនត្រូវចិត្តចាប់សមប្រកប តែត្រូវខិតខំចូលសម្រប សម្រួលខ្លួនតបពីឥលូវ ។ នោះអ្នកនឹងពិតជាយល់បាន បើអ្នកក្លាហានរើសយកផ្លូវ កុំស្ទាក់កុំស្ទើរនាំតែចូវ ប្រជែងនេះផ្លូវសូវសូ៑ស្លាប់ ។ ចូវ មានន័យថា ខ្សោយ ។ Fly Ratana … បន្ត​ការ​អាន

បានផ្សាយ​ក្នុង កម្សាន្ត, កំណាព្យ | បញ្ចេញ​មតិ​មួយ